miércoles

SdlLl: Hesperya presenta la colección E-sguil

La editorial Hesperya Ediciones, que surdió de la revista cultural del mesmu nome ñacida nes aules del Campus d'Humanidaes del Milán, presenta'l vienres a les 19 hores, na Llibrería Cervantes d'Uviéu, la so nueva iniciativa: una colección de llibros ellectrónicos, E-sguil, que quier prestar atención a los autores más nuevos al tiempu que fai un apueste pola incorporación de la llingua asturiana al campu de les nueves tecnoloxíes y de la qu'estos díes ven la lluz trés títulos: Dende tan lloñe, d'Héctor Pérez Iglesias; Destruimientu del xardín, de Sofía Castañón; y La solombra del flacu, de Rubén d'Areñes. Puede atopase más información na web de la editorial.

No hay comentarios:

Publicar un comentario